"الموضوع في " النور " ولابد إن قناة " اللحمة " تقوم بتغطية الحدث حتي يعرف " الناس " ما هو قادم"
السطر اللي فوق ده كان تعليق على الصورة دي
وده رد على التعليق السابق
"مش عارف أية وجه الخطأ والاعتراض الي يدعوا للسخرية من شئ جيد زي دة!!!"
أنا هوضح بس وجهة نظر شخصية في الموضوع ده
اولا فعلا شيء كويس إن اللحمة تكون ب 38 جنيه !
ولكن خلينا ننظر بس شوية بهدوء على ما هو خلف اللحمة ..
عشان نكون صرحاء .. حزب النور مش بيعمل كده لوجه الله واللي بيضحك على نفسه وبيقول ده كل ده عشان خاطر ربنا يبقى عايز يصدق نفسه كده ومش مهتم يفهم الأمور كيف تجري في لعبة السياسة
استخدام الغرائز الانسانية البحتة في الدعاية السياسية أو الحزبية هو اسلوب رخيص في حد ذاته ومش بس بيحتقر اللعبة واسلوب ينم عن انعدام الأدوات .. لا بيحتقر كمان الإنسان
أنا مش قادر أفهم أنا ليه مضطر أقدم خدمة مش دوري إني أنا اعملها ! ولكن طبعا هعملها لانها بتصب في مصلحتي على الساحة السياسية باكتساب التأييد الشعبي اللي مش مهتم هيكون إيه مصير صوته في الانتخابات مثلا .. أنا مش بنحي الشعب ومش بأقول الشعب مش عارف مصلحته فين !
الحكومة هي المسئولة تقدم الطعام للفقراء و معنديش مشكلة لما مؤسسات المجتمع المدني تعمل كده برضه طلاما هم مرتاحين كده وبيعملوا كده تطوعا ومفيش اي أهداف خلف تقديم الطعام أو الخدمات ..
مكنش هيبقى عندي مشكلة لما يكون اسم المؤسسة اللي في الصورة مثلا "جمعية النور" ولكن لما تضيف لفظ "حزب" يبقى هنا تيجي المشكلة
هنا وقد اختبأت السياسة خلف الطعام ..
استخدام النوع ده من الدعاية لا يقل عن استخدام الدين في الدعاية
علمني الصيد ولا تعطيني سمكة !
لما اقدم أنا الخدمة المنوض بالحكومة إنها تقدمها يبقى أنا وفرت الخدمة للشعب ولكن اكييد هيجي عليا اليوم اللي مش هأقدر اقدم الخدمة فيه ..
لما اقدم الخدمة أنا للناس أبقى قتلت غريزة القتال للمطالبة بالحقوق !
والحكومة سوف تتقاعس عن أداء دورها اللي من حق الشعب
No comments:
Post a Comment