Friday, September 6, 2013

يا شحتة


من سنة بالضبط حسيت نفس الاحساس اللي حاسه دلوقتي, فاكر كويس إن وقتها وكان بليل كده كلمني اتنين من اعز الناس على قلبي, بدون مقدمات سألوني مالك أنت كويس؟ تهت معرفتش اجاوب, ومعرفتش أنام زي ماهو حاصل دلوقتي, كلمتهم يومها تاني وانفجرت في العياط, الفرق الوحيد بين النهاردة والسنة اللي فاتت إني كنت عارف مالي.. وهم كمان كانوا عارفين, حاولت أكلمهم يمكن ده يريحني بس للأسف محاولتي فشلت, أرق وضيق تنفس وأفكار وحشة بدون داعي, مع إني كنت مقرر إن اليوم يعدي عادي ممل بدون احداث بس اعتقد إن ملل اليوم ممنعش كل ده, غلبت مع نفسي بصراحة.
بقالي شوية بحاول أوهم نفسي إني نايم نايم نايم عشان الساعات تعدي وبكرة يوم جديد وكده فحسيت بالمخدة اتبلت, أتاريني عيطت وانا مش واخد بالي, وده شيء تعيس للغاية بس ادينا بنحاول نتخطى.. وأنام.

2 comments:

  1. Better Service,Lower Price,Get More Fun at http://www.rs2joy.com/

    ReplyDelete
  2. List your Website into Caribbean Local Business Directory - in Hair & Beauty, Medical, Pets, Professional Services, Religion, Retail Shopping, Utilities and many more categories. Submit your business now.

    ReplyDelete